flotte-hasen v.2

.Dankschö.

 

Mir möchdn uns bei olla Leud bedangn, wo uns bei unnera Aufdridde – und ollem, wos dazu ghörd - underschdüdzd hom und uns gholfn hom, dass mir unner Bühnascho berfegtioniern könna. Ohne euch wär des olles ned möglich.

Die Melanie is unner Drainerin. Sie suchd die Musik für unner Aufdridde raus und schdudierd mit uns die Dänse ei. Außerdem modivierd sie uns immer, wenn mir verzweifelt sin oder uns mol net so schö fühln. Sie däd vielleichd selber nein Glubb eidreden (dansn ko sie ja), ober sie is nuch a bisla zer jung.

Die Helga is unner Co-Drainerin. Wenn die Mela mol net gekönnd hod, is die Helga gern als Drainerin eigschbrunga. Die hod sich dann selber an Dans überlechd und na mit uns gebrobt.

Die Renate schdelld uns unner Kosdüme zur Verfüchung. Glabts uns oder net – die Renate hod an großen Schrank daham, da sin bloß Kosdüme vo uns drin. Und bei an jedn Aufdridd derfn mir uns sexy Glamoddn zum aziehng aussung. Die Renate beräd uns jeds Mol; so bassierds nie, dass uns mol wos net schdehd.

Der Sebastian is zuschdändich für die Rescherschn im Inderned und die Combjudererberd. Nadürlich hod er uns a des Buch „Inderned für Senjoren“ besorchd und uns underschdützd und modivierd. So ham mir des mit der Homebejtsch (fasd) selber gschaffd.

Die Andrea mechd die Foddos (wenn die Foddos net gut sin, hod sie net die Andrea gemacht) und die Dexde. (Ich glab net, dass ich des Word richtich gschriem hob. Do froch ich amol die Andrea. Die derferd glab ich eh mol olles brobelesen. Wer waß, wos mir do olles für Rechdschreibfehler neighaud hom).

 

.dankschö an unner Gasddänser.

 

 


 

 

 


 

 







Gratis bloggen bei
myblog.de